اسلام آباد۔ 22 جون (اے پی پی) وزیراعظم شہباز شریف اوغانستان اٹی زمی جمب آن نہادی جان تا زیان آ است ہسونی نا درشانی ءِ کرینے۔ چارشنبے نادے آ وزیراعظم آفس نا میڈیا ونگ آن جاری بیان نار داٹ وزیراعظم پارے کہ مشکل نا دا ساہت اٹی تینا اوغان ایلم و ایڑھ تتون تفوک اُن۔ زمی جمب آن خاص وڑاٹ پکتیکا نا علاقہ ٹی مرک آتیا است ہسون ءِ۔ اوپارے کہ پاکستان اوغانستان نا الس ءِ ہرممکن کمک فراوان کیک، دا چرجوئی ٹی تعلقدار کمامدارآتے پارت جاری کننگانے۔ وزیراعظم شہباز شریف زمی جمب اٹی زوال کروک آتیکن بخشش و اوفتا خاہوت کن صبر وجمیل نا دعا کرے۔ وزیراعظم ٹھپی مروک آتا زوت دراخ جوڑی کن ہم دعا و زہمی خاہوت آتون ہمدردی نا درشانی ءِ کرے۔
