اسلام آباد۔ 22 جون (اے پی پی) پاکستان اوغانستان اٹی زمی جمب و نوکاپ آن زہمی مروک جانی و مالی نسخان آ ڈکھیائی و است ہسونی نا درشانی ءِ کرینے۔ دفترخارجہ نا ترجمان چارشنبے نادے آ اسہ بیان اسے ٹی پارے کہ پاکستان نا حکومت و الس اوغانستان نا صوبہ پکتیکا و اوڑتون کیبی علاقہ غاتیٹی بروک آ است ہسون زمی جمب و مچ آ ملک انا چندی صوبہ غاتیٹی بروک آ طوفانی نوکاپ آن مروک آ نہادی جان تا زیان و ماڑی تے ملوک آ نسخان آ است ہسونی نا درشانی ءِ کیک۔ اوپارے کہ پاکستانی الس مشکل نا داساہت اٹ تینا اوغان ایلم تتون پبی یکجہتی اتون سلوک ءِ، ترجمان پارے کہ ننے داہیت اٹی ہچ ءُ شک اس اف کہ برادر اوغان الس تینا خصوصیت اتون دا قدرتی آفت نا اثرآتا مون ءِ تورک۔ بیان اٹی مستی پاننگاکہ ننا کمامدار و ادارہ تینا تعلقدار ادارہ غاتون اواری اٹ اوغانستان ءِ درکار امداد فراوان کننگ کن کاریم کننگ ءُ۔
