اسلام آباد۔ 22 جون (اے پی پی) مچ آ ملک اٹی 24 گھنٹہ ٹی 13 ہزار 300 کورونا ٹیسٹ کننگانے۔ چارشنبے نادے آ قومی ادارہ جان جوڑی نا کنڈآن جاری کروک ٹویٹ اٹی شیئر کروک حساب وکتاب نا رداٹ تدوک آ 24 گھنٹہ ٹی 13 ہزار 300 کورونا ٹیسٹ کننگانے ہرافتیان 204 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 1.53 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 66 ناجوڑ آتا حالیت نازرک ءِ۔
