اسلام آباد۔ 22 جون (اے پی پی) اینخو مالی سال انا اولیکو 10 تُو اٹی بھلا صنعتی ادارہ غاتا بشخ (ایل ایس ایم ) نا شرح نمو 10.7 درسد ئس۔ ادارہ شماریات پاکستان (پی بی ایس) نا حساب وکتاب نا رداٹ ایل ایس ایم نا جم 22 جتا سیکٹر آتیان 18 ٹی شونداری نا مثبت رجحان مسنے۔ دا بشخ آتیٹی ٹیکسٹائل ، آئرن اینڈ اسٹیل، اپیرل ، فوڈ ، بیوریج ، تمباکو ، آٹوموبائل، کیمیکلز، کوک اینڈ پیٹرولیم پروڈکٹ و دوائی جوڑ کننگ تون اوار ایلو کیہی بشخ آک اوار ءُ۔ ایلو کنڈآ تدوک آ مالی سال انا مقابلہ ٹی جولائی آن اپریل 2021-22ربڑ مصنوعات، نان مٹیلک، منرل مصنوعات و ٹرانسپورٹ ازباب پین پین نا بشخ آتا شرح نمو ٹی منفی رجحان مسنے۔ پی بی ایس نا رداٹ اپریل 2021 نا مقابلہ ٹی اپریل 2022 اٹی ایل ایس ایم نا بشخ انا شرح نمو 15.4 درسد ئسک وخت اس کہ مارچ 2022 نا مقابلہ ٹی اپریل 2022 اٹی ہم بشخ اٹی شونداری نا کچ 13.3 درسد ریکارڈ کننگانے۔
