کوئٹہ۔ 21 جون (اے پی پی) بلوچستان کابینہ صوبہ نا بروک آ مالی سال انا بجٹ نا منظوری ءِ تسنے۔ وزیراعلیٰ بلوچستان میر عبدالقدوس بزنجو نا کماشی ٹی صوبائی کابینہ نا بجٹ دیوان مس ہراٹی بروک آ مالی سال اکن 612 ارب روپئی نا بجٹ نا منظوری ءِ تننگا۔ بلوچستان نا بروک آ مالی سال انا بجٹ اٹی 72 ارب روپئی نا نسخان ظاہر کننگانے۔ بجٹ اٹی پی ایس ڈی پی کن 191 ارب روپئی تخنگ نا سلاہ ءِ۔ سرکاری ملازم آتا تنخواہ و پنشن اٹی 15 درسد ودکی سلاہ کننگانے۔ بلوچستان نا بجٹ اٹی مزور آتا کم آن کم اجرت 25 ہزار روپئی تخنگ نا سلاہ ءِ۔ محکمہ جان جوڑی نا پیرامیڈیکس اسٹاف نا ہیلتھ پروفیشنل و رسک الاؤنس اٹی 100 درسد ودکی سلاہ کننگانے۔ بجٹ اٹی وزیراعلیٰ غاو مینجمنٹ سسٹم نا جوڑ کننگ نا ہم سلاہ تننگانے، بجٹ اٹی تربت اٹی لیپ ٹاپ اسکیم کن اسہ ارب روپئی جتا کننگ نا سلاہ ءِ، پوسکن آ مالی سال انا بجٹ اٹی ہچ ءُ پوسکن ءُ خراج اس لاگو کننگتنے۔
