کوئٹہ۔ 21 جون (اے پی پی) بلوچستان بجٹ نا رداٹ اینخو سال 2021-22اٹی ننا حکومت 2 پوسکن ءُ کیڈیٹ کالج ضلع آواران و ضلع تربت اٹی فعال کرسا اوفتے ٹی تعلیمی چرجوئی نا باقاعدہ بناءِ کرفے۔ ہائیر ایجوکیشن نا مون آ دننگ کن صوبہ نا جامعہ غاتے سپورٹ کننگ کن اوفتا سالانہ گرانٹ ءِ 2 ارب 50 کروڑ روپئی ءِ برجاتخنگک۔ مالی سال 2022-23اٹی 2 ارب 50 کروڑ نا خڑچ آن مکران یونیورسٹی پنجگور جوڑ کننگک۔ ہراڑکن 10 کروڑ روپئی جتا کننگانے۔ قائد اعظم کیڈٹ کالج زیارت 2 ارب 2 کروڑ نا خڑچ آن تفنگک۔ ہراڑکن مالی سال 2022-23اٹی 30 کروڑ روپئی جتا کننگانے۔ وزیر خزانہ سردار عبدالرحمان کھیتران بجٹ نا وخت آ پارے کہ ننا حکومت کوئٹہ گرلز کیڈٹ کالج ءِ پوسکن آ مالی سال 2022-23اٹی فعال کیک۔ پوسکن آ مالی سال 2022-23اٹی بلوچستان پبلک سروس کمیشن نا کمک اٹ سد آ خورک آسامی تے پُر کننگک۔ جم وڑاٹ مالی سال 2022-23اٹی دا بشخ اٹی غیر شونداری مد اٹی 12 ارب 71 کروڑ روپئی جتا کننگانے۔ وخت اس کہ شونداری مد اٹی 9 ارب روپئی تخنگانے۔
