کوئٹہ۔ 21 جون (اے پی پی) بلوچستان بجٹ نا رداٹ اینخو سال 2021-22اٹی ننا حکومت جان جوڑی نا بشخ اٹی اہم اسکیم آتا بناءِ کرے ہرافتے ٹی ٹراما سینٹر کچلاک، پی جی ایم آئی شیخ شید، پوسٹ گریجویٹ ڈاکٹر آتیکن ہاسٹل و چلڈرن ہسپتال کوئٹہ نا ودکی، کوئٹہ و تربت اٹی ڈی ایچ کیو، آرایچ سی و بی ایچ یوتیٹی پوسکن ءُ آسامی، ایمبولینس ، دوائی پین پین اوار ءُ۔ پوسکن آ مالی سال 2022-23ٹی پی پی ایچ آئی (PPHI)کن پنشن سپورٹ فنڈ و آپریشنل فنڈ اٹی 1 ارب 50 کروڑ روپئی جتا کننگانے۔ پوسکن آ مالی سال 2022-23اٹی مچ آ صوبہ نا ہسپتال آتیٹی دوائی تا فراوانی نا مد اٹی 6 ارب 60 کروڑ روپئی نا بھلو زر اس جتا کننگانے۔ ہنداوڑ پوسکن آ مالی سال 2022-23اٹی جان جوڑی نا بشخ اکن 524 پوسکن ءُ آسامی ودی کننگا۔
