اسلام آباد۔21جون (اے پی پی): مزن وزیر محمد شہباز شریف ءَ گوشت کہ پاکستان کینیڈا ءِ گوما تجارت، سرمایہ کاری، ھاٹیگ، جان سلامتی ءُ وانگ ءُ زانگ ءِ شوبگ ءَ کمک آنی دیمروئی ءِ واھشت ائیگ انت، ریکوڈک منصوبگ ءَ چہ روزگار ءِ موہ ءُ ھاسیں رنگ ءَ بلوچستان ءِ الس آنی واستہ اقتصادی موہ پیداک بنت۔ آئی ءَ اے ھیالانی درشانی سئے شمبے ءِ روچ ءَ پاکستان ءَ کینیڈا ءِ ہائی کمشنر ونڈی گلمور ءَ گوں تران کنان ءَ کت آئی ءَ مزن وزیر ءَ گوں اداس گند ءُ نند کت ءُ پاکستان ءُ کینیڈا ءِ نیام ءَ دوستی ءُ مہر آنی دراج بریں شریکداری ءِ ھوالگ ءَ ھیال ریچی کنان ءَ کت۔ مزن وزیر ءَ گوشت کہ کینیڈا ءِ کمپنی پاکستان ءَ حکومت ءِ کاروباری دوستیں پالیشی آں چہ سیت چست کت کنت۔ آئی ءَ امیت سہرا کت کہ میرک گولڈ زوت منصوبگ ءِ سر ءَ کار ءَ بندات کنت۔ مزن وزیر ءَ گوشت کہ اوگانستا ءَ ایمنی ءُ برجائی المی انت۔ میاں اوستمانی برات آناں اوگانستان ءَ بنی آدنی ءُ اقتصادی ڈکال ءَ چہ رکھگ ءِ واستہ کوشست آناں ترند کنگ لوٹ ائیت۔ آئی ءَ گوشت کہ 15 اگست 2021 ءَ چہ پد کینیڈا ءُ پاکستان ءِ نیام ءَ کمک ءُ ھاسیں رنگ ءَ کینیڈا ءِ شہری آنی در کنگ ءَ کمک پجاری کنگ ءِ پد ءَ پاکستان ءِ کمک آناں ساڑات۔ مزن وزیر ءَ کینیڈا ءِ ھمکار جسٹن ٹروڈو ءَ را پاکستان ءِ تر ءُ تاب ءِ دعوت دات ءُ گوشت کہ اے تر ءُ تاب ءَ چہ پاکستان ءُ کینیڈاس ءِ یکوئی مھکم بنت۔
