اسلام آباد۔21جون (اے پی پی):مزن وزیر محمد شہباز شریف ءَ سئے شمبے ءِ روچ ءَ راجی اسمبلی ءِ دیوان ءَ بھر زوری کت۔ سئے شمبے ءَ بجٹ ءِ سر ءَ لس باست ءُ واست ءِ ساھت ءَ مزن وزیر ایوان ءَ باز دیراں تاں نشت۔ راجی اسمبلی ءَ آیگ ءِ پد ءَ باسک آں ڈیسک ٹپ اِت ءُ آرا وش اتک کت۔ مزن وزیر ءَ اے ساھت ءَ پی ٹی آئی ِ باسک احمد حسین دیہڑ ءِ بجٹ ءِ سر ءَ گشتانک ءَ را گوں ھاموشی ءَ گوشدات ءُ یک موہ ءَ وت چمشانک ھم دات۔ اے ساھت ءَ مسلم لیگ (ن) ءِ بازیں باسک آں مزن وزیر ءَ گوں سیٹ ءُ سر ءَ شت ءُ دوت ءُ دُراھ کت۔
