اسلام آباد۔ 21 جون (اے پی پی) بنجائی وزیر خزانہ و محصولات مفتاح اسماعیل پارینے کہ ملک انا اقتصادی شونداری ٹی ریئل اسٹیٹ نا بشخ ءِ تینا اہم کڑد ءِ ادا کروئی مریک، وزیر خزانہ نان فائلر سمندر پار پاکستانی تے آسراتی فراوان کننگ کن ایف بی آر ءِ جتا وڑوڈول اس مون آ اتنگ نا پارت ہم کرے تانکہ ملک اٹی واپاری سرجزآتے ممکن کننگ مرے۔ وزیر خزانہ داہیت ءِ سے شنبے نادے آ داڑے ڈی ایچ اے اسٹیٹ ایجنٹس ایسوسی ایشن نا ڈل اتون اوڑدہی ٹی گپ وتران کرسا پارے۔ ڈل انا کماشی ءِ ایسوسی ایشن نا چیف پیٹرن میاں عرفان اسد کریکہ، ڈل وزیر خزانہ غان پوسکن آ مالی سال انا بنجائی بجٹ اٹ ریئل اسٹیٹ نا بشخ اکن سلاہ ئی خراج آتا بابت آ گپ وتران و ملک اٹی زرگزرانی سرجز آتیٹی ودکی نا سلاہ ءِ تس۔ وزیرخزانہ ریئل اسٹیٹ کن سلاہ ئی خراج آتا اہمیت ءِ مون آ تخا و پارے کہ ملک انا اقتصادی شونداری ٹی دا بشخ ءِ تینا اہم کڑد ءِ ادا کروئی مریک، اوکیپٹل گین خراج نا بابت ڈل ءِ ریلیف تننگ نا باوری ہم کرفے۔ وزیرخزانہ نان فائلر سمندر پار پاکستانی تے آسراتی فراوان کننگ کن ایف بی آر ءِ جتا وڑوڈول اس مون آ اتنگ نا پارت ہم کرے تانکہ ملک اٹی واپاری سرجزآتے ممکن کننگ مرے۔ وزیرخزانہ ڈل ءِ باور کرفے کہ ملک انا اقتصادی گچینی کن حکومت اوفتا سلاہ تا جاچ ءِ ہلیک۔ ڈل کمک و کمکاری فراوان کننگ آ بنجائی وزیر نا منت واری ءِ ہرفے۔ ڈل اٹ ایسوسی ایشن نا سینیئر چیئرمین عمر افضل ، صدر ڈی ایچ اے(ای اے اے) میاں طلعت، جنرل سیکرٹری ڈی ایچ اے(ای اے اے) سرفراز حسین و ایلوفک ہم اوار ئسر۔
