کورونا نا درمان اٹ کاریم اٹ اتوک آ انجکشن نا نہاد اٹی کمتی کننگانے، بنجائی وزیر جان جوڑی

اسلام آباد۔ 21 جون (اے پی پی) بنجائی وزیر جان جوڑی عبدالقادر پٹیل پارینے کہ کورونا نا ناجوڑ آتا درمان اٹ کاریم اٹ اتوک آ دوا‘‘ ریمڈیسیویرانجکشن’’ نا نہاد اٹی کمتی کننگا۔ جاری بیان اٹی اوپارے کہ بنجائی کابینہ ریمڈیسیویر100 ملی گرام انجکشن نا نہاد اٹی کمتی نا منظوری ءِ تسنے، کورونا نا ناجوڑ آتا درمان کن دا سہ گچین ءُ دواسے۔ عبدالقادر پیٹل پارے کہ 100 ملی۔گرام انجکشن نا مہالو نہاد 2300 روپئی ئس وخت اس کہ داسہ دانا نہاد اٹی 408 روپئی نا کمتی کننگانے۔ اوکان پد ریمڈ یسیویر انجکشن نا پوسکن آ نہاد 1892 روپئی مسنے۔ اوپارے کہ ساڑی حکومت جان جوڑی نا بشخ اٹی گچینی کن گام گیج آتے پک کننگ  ءِ و جان جوڑی نا بشخ اٹی الس ءِ گچین طبی آسراتی تا فراوانی کن سنبرینگوک ءِ۔