اسلام آباد۔ 21 جون (اے پی پی) وزیراعظم شہباز شریف پارینے کہ زرگزرانی وڑاٹ پدسلوک تپہ ءِ ریلیف فراوان کننگ حکومت نا اولیت ءِ، بروک آ مالی سال اٹی نُت، بورہ، سی/کنوئی آتیل ، دال و برنج آ ٹارگٹڈ سبسڈی تننگک، غٹ تعلقدار وزارت آک دا پک کیرہ کہ سبسڈی حقدار و پدسلوک بندغ آتسکان سرمرے۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او وزیر تخفیف نیزگاری و راجی رکھ و سروک بے نظیر انکم سپورٹ پروگرام شازیہ عطا مری تون گپ وتران کرسا کرے، ہراسے شنبے نادے آ داڑے اوڑتون اوڑدہی کرے ۔ اوڑدہی ٹی ساڑی ملکی سیاسی حالیت آتیا گپ وتران کننگا۔ داوخت آ شازیہ مری وزیراعظم ءِ بے نظیر انکم سپورٹ پروگرام نا برجا ڈٹ آتیا پیش رفت آن معلومدار کرے۔ داوخت آ وزیراعظم پارے کہ زرگزرانی وڑاٹ پسماندہ تپہ ءِ ریلیف فراوان کننگ حکومت نا اولیت ءِ ۔ بروک آ مالی سال اٹی نُت، بورہ، سی/کنوئی آ تیل ، دال و برنج آ ٹارگٹڈ سبسڈی تننگک۔ وزیراعظم پارت کرے کہ غٹ تعلقدار وزارت آک دا پک کیرہ کہ سبسڈی حقدار و پسماندہ بندغ آتسکان سرمرے۔ وزیراعظم ٹارگٹڈ سبسڈی کن وزارت تخفیف نیزگاری و راجی رکھ ءِ وزارت خزانہ و وزارت صنعت و پیدوار تون کمکاری آن پد جوان ءُ حکمت عملی اس مرتب کننگ نا پارت ہم کرے۔
