اسلام آباد۔ 20 جون (اے پی پی) بنجائی وزیر انسداد منشیات نوابزادہ شاہ زین بگٹی تون قطر انا سفیر شیخ سعود بن عبدالرحیم التھانی اوڑدہی کرے، اوڑدہی ٹی پاک قطر ہڑتوم آ کنڈآتا تعلقداری تون اوار تین پہ تینی است خواہی نا ایلو امور آ گپ وتران کننگا، داوخت آ بنجائی وزیر نوابزادہ شاہ زین بگٹی پارے کہ پاکستان قطر اتون تینا تعلقداری تے قدر انا نظر اٹ ہرک، قطر …
بنجائی وزیر نوابزادہ شاہ زین بگٹی تون قطر انا سفیر شیخ سعود بن عبدالرحیم التھانی نا اوڑدہی
گیشتریں ھال
اسلام آباد۔ 20 جون (اے پی پی) بنجائی وزیر انسداد منشیات نوابزادہ شاہ زین بگٹی تون قطر انا سفیر شیخ سعود بن عبدالرحیم التھانی اوڑدہی کرے، اوڑدہی ٹی پاک قطر ہڑتوم آ کنڈآتا تعلقداری تون اوار تین پہ تینی است خواہی نا ایلو امور آ گپ وتران کننگا، داوخت آ بنجائی وزیر نوابزادہ شاہ زین بگٹی پارے کہ پاکستان قطر اتون تینا تعلقداری تے قدر انا نظر اٹ ہرک، قطر انا بلوچستان نا چندی علاقہ غاتا شونداری کن کوشست ستاکڑزک، بنجائی وزیر قطر انا سفیر تون منشیات نا اسمگلنگ نا توننگ نا بابت چندی امور آ گپ وتران کرے۔ اوپارے کہ قطر انا منشیات نا توننگ و ایلو کانودی امور نا بابت کمکاری ستاکڑزک، بلوچستان نا ورناک قطر اٹی چندی بشخ خاص وڑاٹ سیکورٹی فورس آتیٹی خذمت سرتننگ ءُ و پین 6 لکھ آن زیات بندغ ءِ قطر اٹی روزگار نا وارخواہی فراوان کننگک، اوڑدہی ٹی بنجائی وزیر و قطر انا سفیر ہڑتوم آ ملک آتا نیام اٹ چندی بشخ آتیٹی کمکاری و قطر اٹی پاکستانی افرادی قوت نا گچین کاریم اٹ اتنگ و اوفتا گرج آتا بابت گپ وتران کریر۔
