اسلام آباد۔ 20 جون (اے پی پی) اسپیکر قومی اسمبلی راجہ پرویز اشرف پارینے کہ ضرورت مند و بے سیبو مخلوق نا کمک ءِ کننگ ننا اولی زمواری ءِ۔ داخیال آتا درشانی ءِ او دوشنبے نادے آ کشمیر آرفن ریلیف ٹرسٹ (کورٹ) نا بانی /چیئرمین چوہدری محمد اختر (تمغہ امتیاز) تون اوڑدہی ٹی گپ وتران کرسا کرے۔ اوڑدہی ٹی اسپیکر ءِ آزاد جموں وکشمیر و پاکستان اٹ تنظیم نا آسودہی …
اسپیکر قومی اسمبلی راجہ پرویز اشرف تون کشمیر آرفن ریلیف ٹرسٹ نا چیئرمین چوہدری محمد اختر نا اوڑدہی
گیشتریں ھال
اسلام آباد۔ 20 جون (اے پی پی) اسپیکر قومی اسمبلی راجہ پرویز اشرف پارینے کہ ضرورت مند و بے سیبو مخلوق نا کمک ءِ کننگ ننا اولی زمواری ءِ۔ داخیال آتا درشانی ءِ او دوشنبے نادے آ کشمیر آرفن ریلیف ٹرسٹ (کورٹ) نا بانی /چیئرمین چوہدری محمد اختر (تمغہ امتیاز) تون اوڑدہی ٹی گپ وتران کرسا کرے۔ اوڑدہی ٹی اسپیکر ءِ آزاد جموں وکشمیر و پاکستان اٹ تنظیم نا آسودہی سرجز آتا بارواٹ معلومدار کننگا۔ اوپارے کہ کورٹ پنی آ آسودہی تنظیم تیان اسٹ ءِ ہرا خصوصی وڑاٹ اہل بندغ آتیکن خصوصی گام گیج کرینے، ہرافتے ٹی چوری خانہ غاتا تفنگ، وہیل چیئرآتا بشخنگ نا کمک اٹ معذوری ءِ قابلیت اٹ بدل کننگ و معذور آتیکن دوستانہ واش روم تا تفنگ ، واٹر فلٹریشن پلانٹ آتا خلنگ، وہیل چیئر آتا بشخنگ نا کمک اٹ زالبول آتے واکدار کننگ، پرائمری اسکول آتا تفنگ و جان جوڑی نا آسراتی اوار ءِ۔ اسپیکر تنظیم نا کوشست آتا ستاءِ کرسا کورٹ اتون اوار لس مخلوق نا گچینی و راجی آسراتی کن کاریم کروک آ ایلو آسودہی تنظیم تے پورو کمکاری نا باور کرفے۔ اسپیکر آسودہی کاریم تے پاکستان نا کونہ کونہ اسکان تالان کننگ آ زور شاغا و دامسخت نا دوئی کننگ کن تینا ہرممکن کمکاری نا عزم انا درشانی ءِ ہم کرے۔
