ملک اٹی ایل پی جی نا درآمد آتیٹی 11 تُو اٹی 44 درسد ودکی مس، شماریات بیورو

اسلام آباد۔ 20 جون (اے پی پی) ملک اٹی ایل پی جی نا درآمد آتیٹی برجامالی سال انا اولیکو 11 تُو اٹی تدوک آ مالی سال انا ہند امد انا مقابلہ ٹی 44 درسد نا نمو ریکارڈ کننگانے۔ پاکستان بیورو شماریات نا کنڈآن دا بابت جاری کروک حساب وکتاب نا رداٹ جولائی آن ہلیس مئی 2022 اسکان نا مد اٹی ایل پی جی نا درآمد آتا کچ 607 ملین ڈالر ریکارڈ کننگا ہرا تدوک آ مالی سال انا ہند امد انا مقابلہ ٹی 44 درسد زیات ءُ۔ تدوک آ مالی سال انا ہندا مد اٹی ایل پی جی نا درآمد آتا کچ 423 ملین ڈالر ریکارڈ کننگاسس۔ مئی 2022 اٹی ایل پی جی نا درآمد آتیا 50 ملین ڈالر نا زرمبادلہ خڑچ مس ہرا تدوک آ سال مئی نا مقابلہ ٹی 102 درسد زیات ءُ۔ تدوک آ سال مئی ٹی ایل پی جی نا درآمد آتا کچ 25 ملین ڈالر ریکارڈ کننگاسس، اپریل نا مقابلہ ٹی مئی ٹی ایل پی جی نا درآمد آتیٹی 16 درسد نا نمو ریکارڈ کننگانے۔