گوادر اٹی راجی و اقتصادی شونداری کن چین نا کنڈآن 5 ارب یوآن نا گرانٹ فراوان کننگانے، چائنہ اکنامک نیٹ

اسلام آباد۔ 20 جون (اے پی پی) گوادر اٹی راجی و اقتصادی ڈٹ آتیکن چین نا کنڈآن 5 ارب یوآن نا گرانٹ فراوان کننگانے۔ چائنہ اکنامک نیٹ (سی ای این ) نا رپورٹ نا رداٹ چین نا کنڈآن کاروباری و راجی زمواری (سی ایس آرز) نا ادائیگی نا رداٹ تدوک آ ہفت سال اٹی گوادر و اونا کیبی علاقہ غاتا الس نا راجی و زرگزرانی شونداری نا چندی ڈٹ آتیکن 5 ارب یوآن آن زیات نا گرانٹ فراوان کرینے۔ دا ڈٹ آتیٹی پوسکن آ گوادر بالی پٹ انا تفنگ، ایسٹ بے ایکسپریس وے، 300 کٹ آتا چائنہ پاکستان فرینڈ شپ ہسپتال، فنی و کسبی تربیت نا ادارہ، اسکول، لمہ و چنا نا جان جوڑی نا آسراتی و ساف دیر انا فراوانی نا چندی ڈٹ آک اوار ءُ۔ رپورٹ نا رداٹ دا ڈٹ آتا پوروی آن گوادر و اونا کیبی علاقہ غاتا الس نا راجی و اقتصادی شونداری و زند انا آب ءِ گچین کننگ اٹ کمک رسینگک۔