پاکستان چین شریداری اٹ خیسن آ مرچ انا پیدوار اٹی ودکی مسنے، چائنہ مشینری انجینئرنگ کارپوریشن

اسلام آباد۔ 20 جون (اے پی پی) پاکستان چین شریداری اٹ خیسن آ مرچ انا پیدوار اٹی نمان ودکی مسنے۔ چائنہ مشینری انجینئرنگ کارپوریشن (سی ایم سی سی ) نا ایگریکلچرل پروجیکٹ لیڈر پاکستان دائی باؤ پارے کہ پنجاب و سندھ اٹی 6 جتا ماڈل فارم تیٹی 300 ایکڑ رقبہ غا خیسن مرچ دسنگا ہراڑآن کم و ود 700 ٹن خشک خیسن مرچ انا پیدوار دوئی مسنے۔ اوپارے کہ پاک چین شریداری ڈٹ انا رداٹ 200 آن زیات ہندی ٹیکنیشن آتے تربیت فراوان کننگانے وخت اس کہ ڈٹ آن روزگار نا اسہ ہزار پوسکن ءُ وارخواہی ہم ودی مسنے۔ اوپارے کہ تدوک آ سال انا مقابلہ ٹی اینخو سال خیسن مرچ انا زیر کاشت رقبہ ٹی شش گنا ودکی کننگانے وخت اس کہ جم پیدوار 7 گنازیات مسنے۔ اوپارے کہ سی پیک نا رداٹ کشاری بشخ اٹی پاک چین شریداری ءِ پین مون آ دننگ انگ ءِ۔