اسلام آباد۔19جون (اے پی پی):وزیر ءِ درئی کار بلاول بھٹو زرداری ءَ گوشتگ کہ پاکستان ءَ 2018 ءُ 2021 ءِ ایکشن پلانز آناں کا میاتی ءَ گوں سرجم کتگ، پاکستان ءِ ٹیمب ءَ را ترندی ں ازمت ءُ کوشست آناں توسیپ ءُ ستا پیش کناں ایشانی کوشست آں چہ پاکستان ءَ فیٹف ءِ دوئیں ایکشن پلانز آناں ٹیکنیکل ضلورت ءَ بنیات ءَ کامیاتی ءَ گوں پیلو کتگ۔ یک شمبے ءِ روچ ءَ پاکستان ءِ نیمگ ءَ فیٹف ءِ ایکشن پلانز آناں کامیاتی ءَ گوں سرجمی ءِ پد ءَ وتی بیان ءَ آئی ءَ گوشت کہ ھواریں راجی کوشست ءُ توامیں شریکدار آنی یکجائی کوشست ءَ چہ اے کامیاتی در جتگ، ایشی ءَ چہ پاکستانی معشیت ءِ سر ءَ دل یکیمی برجا بیت ءُ مھکمیں دیمروئی ءَ کمک رسیت۔ فیٹف ءِ ٹیکنیکی ٹیمب ءِ پاکستان ءِ تر ءُ تاب جوانیں ھبر ات ایشی ءَ چہ ایم ایل / سی ایف ٹی ءِ ھوالگ ءَ پاکستان ءِ گامگیج ءُ کامیاتی آنی درشان بیت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءَ وزیر ءِ درئی کار بلاول بھٹو زرداری ءَ گوشتگ کہ حکومت ءِ پاکستان راجی معیشت ءِ برجائی ءَ جوانیں ءُ مھکمیں مالیاتی شوبگ ءَ گہتری کار آنی جاڑی دارگ ءَ جزمیگ انت۔
