اسلام آباد۔18جون (اے پی پی): وزیر ءِ مملکت برائے تہی کار حنا ربانی کھر ءَ گوشت کہ گوستگیں روچ برلن جرمنی ءَ ایف اے ٹی ایف ءِ چار ءُ تپاسی دیوان ھلاس بوت۔ اے موہ ءِ سر ءَ ایف اے ٹی ایف ءِ چار ءُ تپاسی دیوان ھلاس بوت۔ اے موہ ءِ سر ءَ ایف اے ٹی ایف ءِ انٹرنیشنل کوڑپریشن ریوگروپ آئی سی آر جی ءِ پاکستان ءِ 2018 ءُ 2021 ءِ ایکشن پلان ءِ ھوالگ ءَ شور ءُ مشور آنی سر ءَ چار ءُ تپاسی زرت۔ شمبے ءِ روچ ءَ ادا میڈیا بریفنگ ءَ گوں گشتانک دیان ءَ وزیر ءِ مملکت حنا ربانی کھر ءَ گوشت کہ 2018 ءِ ایکشن پلان ءِ ھوالگ ءَ ایف اے ٹی ایف ءَ را روان دیگ بوت یازدھمی رپوٹ ءِ چار ءُ تپاسی گرگ بوت۔ آئی ءَ گوشت کہ ایف اے ٹی ایف ءَ تپاکی رنگ ءَ تسلیم کت کہ پاکستان ءِ نیمگ ءَ توامیں ایکشن آئٹمز آنی پد ءُ رند کنگ بوتگ ٰٗ 2018 ءِ ایکشن آئٹمز آنی پد ءُ رندی کنگ بوتگ ءُ 2018 ءِ ایکشن پلان ءِ سر ءَ پاکستان ءِ نیمگ ءَ سرجمی ءَ چہ پد ایشرا بند کنگ بیت۔ آئی ءَ گیش گوشت کہ 2021 ءِ ایکشن پلان گیش تر منی لانڈرنگ ءِ جیڈھ آنی ھوالگ ءَ بوتگ ءُ ایشی ءِ سر ءَ پاکستان ءَ سئے پروگریس رپوٹ جم کنائینتگ۔ آئی ءَ گوشت کہ من ءَ تران کنان ءَ باز وشی بوھگ ءَ انت کہ پاکستان ءَ ایکشن پلان ءِ توامیں ھپت پوائنٹس آناں داتگیں وھد ءُ پاس ءَ چہ پیسر سرجم کتگ۔ ایشی ءِ اندر ءَ پاکستان َ اے ایم ایل / سی ایف ٹی ءِ ھوالگ ءَ جوانیں ریفارمز ءُ گامگیج آناں دل یکیمی جوڑ کتگ۔
