اسلام آباد۔18جون (اے پی پی): مزن وزیر محمد شہباز شریف ءَ را ج ءَ را فیٹف ءِ شرط آناں سرجم بوھگ ءِ پد ءَ وائٹ لسٹ ءَ پاکستان ءِ واپسی ءِ کشک آنی ساپ بوھگ ءِ پد ءَ مبارک بات دیان ءَ گوشت کہ “ٹیمب پاکستان” ءَ را مبارک بہ بیت ایشی ءَ چہ پاکستان ءِ واستہ کامیات واھشت ، گرے لسٹ ءَ چہ پاکستان ءِ نام ءِ در بوھگ ءِ راجی کوشست کنوکیں توامیں سول ءُ ملٹری ٹیمب ءَ را توسیپ ءُ ستا پیش کناں۔ شمبے ءِ روچ ءَ مزن وزیر کارگس ءِ میڈیا سیل ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوشت کہ وزیر ءِ درئی کار بلاول بھٹو زرداری ءَ را مبارک طبات دیاں، آئی ءِ سروکی ءَ ٹیمب ءَ را اے ارزشتی ایں کامیاتی رستگ۔ اردی سروک آناں فیٹیف ءِ گرے لسٹ ءَ چہ پاکستان ءِ نام ءِ در بوھگ ءِ پد ءَ مبارک بات۔ پاکستان ءِ اے ٹوھیں کامیاتی شمے کوشست آناں ساڑاھاں۔ آئی ءَ گوشت کہ جی ایچ کیو ءَ آرمی چیف ءِ جوڑ کتگیں “کور سیل” ءَ پاکستان ءِ اے ٹوھیں کامیاتی ءَ کلیتی کر ءِ پیلو کتگ، اکتوبر ءَ فیٹف ٹیمب ءِ تر ءُ تاب ءَ چہ پد پاکستان ءِ نام گرے لسٹ ءَ چہ در کئیت، گرے لسٹ ءَ پاکستان ءِ نام ءِ در بوھگ جوانیں گپ ات۔ آئی ءَ گوشت کہ مایوسی، نامیتی ءُ معاشی ڈکالی ءَ چہ در کنان ءَ جوڑیشت ءُ دیمروئی ءُ وشھالی ءِ نیمگ ءَ واپس زوراں رواں۔
