ٹیل اینڈ آ دیر سرکننگ کن گام گیج کننگ انگ ءِ، بنجائی وزیر آبی وسیلہ سید خورشید شاہ

اسلام آباد۔ 17 جون (اے  پی پی) بنجائی وزیر آبی وسیلہ سید خورشید شاہ پارینے کہ ٹیل اینڈ آ دیر سرکننگ کن گام گیج کننگ انگ ءِ۔ جمعہ نادے آ قومی اسمبلی ٹی جی ڈی اے نا باسک ڈاکٹر فہمیدہ مرزا نا ٹک آتا ورندی ءِ ترسا خورشید شاہ پارے کہ دیر انا کمتی اسہ ویل اسے و داڑآ ہڑدے میٹنگ ہم مریک کہ ٹیل اینڈ اسکان دیر ءِ ہراوڑ سرکننگے۔ اوپارے کہ کوٹلی بیراج اٹ 10 ہزار کیوسک دیر ءِ۔ اوپارے کہ ننے آ دوبہ ءِ کہ سندھ بلوچستان ءِ دیر تفک۔ سید خورشید شاہ پارے کہ پِرآک بناکرینو و اومیت ءِ کہ داڑآن حالیت آتیٹی گچینی بریک۔ تربیلا ٹی دیر اٹ ودکی مننگ ءِ ، دریائے کابل اٹ داوخت آ 20 آن 21 ہزار کیوسک دیر ءِ دُن تو دادے تیٹی ہموڑے 40 ہزار کیوسک اسکان دیر مریک ۔ سید خورشید شاہ پارے کہ او ٹیل اینڈ آ دیر ءِ سرکننگ کن سندھ انا وزیر آبپاشی تون ہیت کیک۔