پاکستان ءِ ایف اے ٹی ایف نا گرے لسٹ آن کشنگانے، سینیٹر سلیم مانڈوی والا

اسلام آباد۔ 17 جون (اے پی پی) سینیٹ اٹی چیف وہپ سینیٹر سلیم مانڈوی والا پارینے کہ پاکستان ءِ ایف اے ٹی ایف نا گرے لسٹ آن کشنگانے۔ جمعہ نادے آ بڑزکو ایوان نا دیوان اٹی گپ وتران کرسا اوپارے کہ ایوان تو ن اوار مچ آ قوم اکن خوشی نا خبر اسے کہ پاکستان نا پن فنانشل ایکشن ٹاسک فورس (ایف اے ٹی ایف) نا گرے لسٹ آن کشنگانے ، غٹ سیاسی جماعت آتا کوشست آتے اٹ دا سرسہبی دوئی مسنے۔