عمران خان حکومت نا آئی ایم ایف تون معاہدہ ءِ ایوان اٹ پیش کننگے، نور عالم خان

اسلام آباد ۔ 17 جون (اے پی پی) پاکستان تحریک انصاف نا باسک و پبلک اکاؤنٹس کمیٹی نا چیئرمین نور عالم خان پارینے کہ عمران خان نا حکومت آئی ایم ایف تون ہرا معاہدہ ءِ کریسس اودے ایوان نا مون آ پیش کننگے، مسکوہی وزیراعظم جلسہ غاتیٹی ہیلی کاپٹر و دودوسد سرکاری گاڈی تا جلوس اٹی کاہک ۔ جمعہ نادے آ قومی اسمبلی ٹی ذاتی نکتہ وضاحت آ نور عالم خان پارے کہ پی اے سی نا چیئرمین جوڑ اودے اِرا ہفتہ مسنے، ای حکومت نا خڑچہ نا دیر، چاہ و بسکٹ کنپرہ بلکن تینا خڑچہ ءِ تینٹ ہرفیوہ۔ کنتون کنا جِند انا گاڈی ءِ۔ اوپارے کہ مسکوہی حکومت 60 و 70 لکھ روپئی آ مخلوق ءِ بھرتی کرے، نن اسہ اسہ لکھ آ مخلوق ءِ بھرتی کرینن ہرا 60 آن 70 لکھ روپئی تنخواہ ہلوک آتیان گچین کاریم کننگ ءُ۔ اوپارے کہ مسکوہی وزیراعظم سیاسی جلسہ غاتیکن ہیلی کاپٹر اٹ کاہک۔ اسلام آباد آ یلغار کن دودوسد گاڈی تا سرکاری قافلہ ٹی بریک۔ اوپارے کہ دیر اناکمتی نا ویل اونا علاقہ ٹی ہم ارے۔ اونا حلقہ ٹی تدوک آ شش ہفت دے آن بجلی اف۔ اومسکوہی حکومت ناآئی ایم ایف تون معاہدہ نا سرجم آتے ایوان اٹ پیش کننگ نا خواست کرے۔