اسلام آباد۔ 17 جون (اے پی پی) جماعت اسلامی نا قومی اسمبلی نا باسک مولانا عبدالاکبر چترالی پارینے کہ پیسکو و پیڈو نا نیام اٹ بجلی نا یونٹ آتا تنازعہ ءِ چٹفننگے وخت اس کہ اسپیکر وزیر پارلیمانی امور ءِ پارت کرینے کہ او وزیر بجلی تون اواری اٹ دا ویل انا ایسر اس پٹے۔ جمعہ نادے آ قومی اسمبلی ٹی اعتراضی ٹک آ مولانا عبدالاکبر چترالی پارے کہ چترال آن لوڈشیڈنگ ءِ چٹفنگے۔ پیسکو نا پیڈو نا زی آ 12 کروڑ یونٹ بجلی بقایہ ءُ۔ اوفتا نیام اٹ ہچ مفاہمت نا یات داشت اس متنے۔ وزیراعلیٰ کے پی ءِ رولنگ نا کمک اٹ پابند کے کہ او داڑآ عمل کرفے۔ اسپیکر مرتضیٰ جاوید عباسی ءِ پارت کرے کہ او داباندات ءِ تعلقدار وزیر تون شرہ ٹی اتے۔
