اسلام آباد۔ 17 جون (اے پی پی) جہانی مالیاتی فنڈ (آئی ایم ایف) پارینے کہ نیزگار ملک آتا وام تا ری سٹرکچرنگ کن جوان ءُ ہم آہنگی سے نا گرج ءِ۔ آئی ایم ایف تینا اسہ بلاگ اسے ٹی پارینے کہ اینو آن 25 سال مست انا مقابلہ ٹی کم کٹیا والا و نیزگار ملک آتے وام تا بھاز ویل آتا مون تروک ءِ ولے 1990 ن ادہائی نا مقابلہ ٹی وام تا کچ اٹی ردوبدل مسنے۔ تدوک آ اسہ دہائی ٹی وام تا حالیت آتیٹی بدلی نا سوب آن ری سٹرکچر نگ نا عمل زیات پیچیدہ مسنے۔ جہانی ادارہ پارینے کہ وام فراوان کروک آ ادارہ غاک بندغ آتا گیشتری اٹ ہم آہنگی نا اہمیت اٹی ہم ودکی مسنے انتئے کہ مستین اٹ پیرس کلب، نجی بینک و جہانی ادارہ غاتیان وام دوئی کننگاکہ ولے داوخت آ کم کٹیا والا و نیزگار ملک آتے وام فراوان کروک آتیٹی چین و نجی کہول آ زرکاری بانڈز ہلوک آتا کچ ودانے ۔ آئی ایم ایف جہانی برادری آ زور شاغانے کہ وام تروک آ ملک آک ، ادارہ و بندغ آتا گیشتری نا رداٹ داوخت آ وام تا ری سٹرکچرنگ نا بابت جوان و خڑکی ہم آہنگی نا گرج ءِ تانکہ پائیدار اقتصادی شونداری نا عمل برجاسلنگ کے۔
