اسلام آباد۔16جون (اے پی پی): بنجاھی حکومت ءَ گران بھائیں ٹیل ءَ چہ پیداسک بوھوکیں توان ءِ بچت ءِ واستہ راجی تک ءَ ھمروچگیں ھیل ءُ عادت آنی مٹ کنگ ضلورت ءِ سر ءَ زور پر دیان ءَ گوشت کہ وھد ءُ موہ ءِ سر ءَ کارکیٹ آنا بند کنگ ءَ چہ 4000 میگاواٹ ءَ تاں توان ءِ بچت بوت کنت۔ پی ٹی آئی حکومت ءَ ملک ءَ را معاشی رنگ ءَ تباہ کنگ ء، واستہ بمب ءُ ٹوپ چیر کتگ ایشی ءِ سبب ءَ حکومت سکیں پیسلہ کنگ ءِ مجبور بوتگ۔ اے ھیالانی درشانی آئی ءَ بنجاھی وزیر دیمپانی خواجہ محمد آصف ، بنجاھی وزیر رسانک مولانا اسعد محمود، مشیر برائے کشمیر قمر الزمان کائرہ، وزیر ءِ مملکت برائے پٹرولیم مصدق ملک ءَ پنچ شمبےءِ روچ ءَ پی آئی ڈی ءَ یکجائی پریس کانفرنس ءَ گوں گشتانک دیان ءَ کت۔
