اسلام آباد۔16جون (اے پی پی): مزن وزیر شہباز شریف ءَ روڈ ٹو مکہ منصوبگ ءَ چہ سعودی سروک آنی شگر ءُ منت واری ءَ گران ءَ گوشت کہ اے گامگیج ءَ چہ ہزارانی پاکستانی حاجی آناں آسراتی پجاری کنگ بیت۔ آیوکیں باندات ءَ ایشی ءِ کار رپک ملک ءِ ایندگر شہر آنی تہ ءَ شنگ ءُ تالان کنگ بنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ سعودی عرب ءِ سفیر نواف بن سعید المالکی ءِ سروکی ءَ ” روڈ ٹو مکہ” پراجیکٹ ٹیمب ءَ گوں تران کنان ءَ کت آئی ءَ پنچ شمبے ءِ روچ ءَ آئی ءَ گوں گند ءُ نند کت۔ گند ءُ نند ءِ ساھت ءَ سعودی ڈیپارٹمنٹ آف دی جنرل ڈائریکٹوریٹ آف پاسپورٹ ءِ منصور شاہد ایس الطائیبی ھم ساڑی ات۔ سعودی ڈل ءَ را وش اتک کنان ءَ مزن وزیر ءَ اے گپ ءِ درشان کت کہ پاکستان ءُ سعودی عرب ءِ باز کوھنیں براتی ءُ یکوئی انت۔
