اسلام آباد۔ 16 جون (اے پی پی) حکومت پاکستان مہمند ڈیم پن بجلی ڈٹ اکن اوپیک فنڈ جہانی شونداری (اوایف آئی ڈی) اتون وام تا معاہدہ غا دستخط کرینے۔ ویانا ٹی پاکستان نا سفارت خانہ غان جاری بیان نا رداٹ پاکستان ڈٹ اکن اوایف آئی ڈی اتون وام تا معاہدہ غا دستخط کرے، ہرا اسلامی شونداری بینک، کویت فنڈ و سعودی فنڈ انا کمک اٹ چلینگ انگ ءِ۔ معاہدہ نا رداٹ اوپیک فنڈ جہانی مہمند ڈیم پروجیکٹ کن 72 ملین ڈالر فراوان کیک۔ وام انا معاہدہ غا آسٹریا ٹی پاکستان نا سفیر آفتاب احمد کھوکھر و اوپیک فنڈ انا ڈائریکٹر جنرل عبدالحمید الخلیفہ دستخط کریر۔ مہمند ڈیم ہائیڈرو پاور پروجیکٹ خیبرپختونخوا نا ضلع مہمند اٹ واقع ءِ، دا ڈٹ ملک انا نصب شدہ قابل تجدید توانائی نا لائخی ٹی 800 میگاواٹ نا ودکی کیک و اسہ وار پورو مننگ آن پد پشاور شار انا 20 لکھ ہنکینی تے کنوئی آ دیر ہم فراوان کیک۔ دا ڈٹ کم و ود 15 ہزار ، ہیکڑ کھیت آتیٹی فصل آتا زیات پیدوار نا کمک اٹ خور انا رکھ ءِ ہم گچین کیک وخت اس کہ نوکاپ نا توننگ اٹ ہم کمکار مریک۔ ڈیم اٹی 1.6 ملین کیوبک میٹر نا کوڑی و ڈائیو رشن سرنگ مریک ہرا پوسکن آ و ساڑی آ آبپاشی نا جو تیٹی دیر شاغک۔
