اسلام آباد۔ 16 جون (اے پی پی ) سینیٹ اٹی پنی آ ادیب گوپی چند نارائن نا کزیت آ اسہ منٹ اکن خاموشی اختیار کننگا۔ پنچ شنبے نادے آ بڑزکو ایوان نا دیوان اٹی سینیٹر دنیش کمار پارے کہ پنی آ ادیب و مصنف گوپی چند نارائن کزیت کرینے، اونا اردو زبان و ادب کن بھلو خذمت اسے ، نن اونا کزیت آ ڈکھیائی و است ہسونی نا درشانی ءِ کینہ۔ سینیٹر عرفان صدیقی پارے کہ گوپی چند نارائن 65 کتاب آتا مصنف ئس، پاکستان و بھارت اودے اعزاز تسنے، اونا کزیت اردو ادب کن بھاز بھلو نسخان اسے۔ سینیٹر یوسف رضاگیلانی پارے کہ گوپی چند نارائن اسہ بھلو مصنف ا س ئسک، اردو ادب اٹ اونا خذمت آتے مدام یات تخنگک۔ ایوان اٹ گوپی چند نارائن ءِ خراج عقیدت پیش کننگ کن اسہ منٹ اس خاموشی اختیار کننگا۔
