اسلام آباد۔ 16 جون (اے پی پی) سینیٹ دیوان اٹی اپوزیشن باسک آک پیٹرولیم منصوعات آتا نہاد آتیٹی ودکی نا برخلاف برانز و نعرہ خلکر۔ پنچ شنبے نادے آ بڑزکو ایوان نا دیوان اٹی قائد حزب اختلاف پیٹرولیم مصنوعات نا نہاد آتیٹی ودکی نا برخلاف برانز کرےو نعرہ خلک۔ قائد حزب اختلاف سینیٹر ڈاکٹر شہزاد وسیم پارے کہ پیٹرولیم مصنوعات آتا نہاد آتیٹی اسہ وار ولدا ودکی کننگانے ، الس مہالو آن کبینی نا خلوک ءِ، نہاد آتیٹی پوسکن آ ودکی کبینی نا پوسکن ءُ طوفان اس اتیک ۔ اوپارے کہ بجٹ آ شرہ مننگ ءِ ولے وزیر خزانہ ایوان اٹ ساڑی اف، اوبایدے دیوان اٹ ساڑی مرے۔ داڑتون اوار اپوزیشن باسک آک تینا نشست آتیا بش مسر و اوفک نہاد آتیٹی ودکی نا برخلاف نعرہ خلنگ نا بناءِ کریر و نعرہ خلسا چیئرمین سینیٹ نا ڈائس نا مون آ مچ مسر۔ چیئرمین سینیٹ وار وار پارت کرے کہ او تینا نشست آتیا پدی کار، وزیر خزانہ زرس ہرے آ ایوان آ بننگ ءِ ، اوکان پد اپوزیشن باسک آک تینا نشست آتیا پدی ہنار۔ قائد حزب اختلاف و اپوزیشن باسک آک خواست کریر کہ پیٹرولیم مصنوعات آتا نہاد آتیٹی ودکی ءِ پدی ہلنگے۔
