اسلام آباد۔ 16 جون (اے پی پی) سینیٹ نا دیوان کوروم نا کمتی نا سوب آن (اینو) جمعہ نا سہب انا دہ ءُ نیم بجہ اسکان پدبٹنگا ۔ پنچ شنبے نادے آ بڑزکو ایوان نا دیوان اٹی ایجنڈا ٹی اوار امور ءِ سرتننگا وخت اس کہ اپوزیشن باسک آک پیٹرولیم مصنوعات آتا نہاد آتیٹی ودکی آ ایوان اٹ برانز کریر۔ دیوان اٹی بروک آ مالی سال 2022-23ء نا بجٹ آ شرہ ہم کننگا۔ جمعیت علماء اسلام (ف) نا سینیٹر مولانا عطاء الرحمان نا تقریر اٹی اپوزیشن باسک آک احتجاجا ایوان آن واک آؤٹ کریر اوکان پد پاکستان تحریک انصاف نا سینیٹر ڈاکٹر زرقہ سہروردی تیمور کورم نا پیدواری ءِ کرے۔ ڈپٹی چیئرمین نا پارت آ پنچ منٹ اسکان گھنٹہ خلنگا ولے کورم پورو مفننگ نا سوب آن دیوان نا کارروائی ءِ (اینو) جمعہ نا سہب انا دہ ءُ نیم بجہ اسکان پد بٹنگا۔

متعلقہ مضامینمصنف کی طرف سے مزید