اسلام آباد۔15جون (اے پی پی): مزن وزیر محمد شہباز شریف ءَ گوں آزات کشمیر ءُ گلگت بلتستان ءِ واستہ مزن وزیر ءِ مشیر قمر زمان کائرہ ءَ گوں گند ءُ نند۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ بنجاھی وزیر اقتصادی کار سردار ایاز صادق ھم اے موہ ءِ سر ءَ ساڑی ات۔ گند ءُ نند ءَ مزن وزیر ءَ را آزات کشمیر ءُ گلگت بلتستان ءِ جتا جتائیں انتظامی ، مالیاتی ءُ دیمروئی کار آنی ھوالگ ءَ بریفنگ ھم دیگ بوت۔ مزن وزیر ءَ را آئی ءَ پنت ءُ شون کت کہ آ پلاننگ کمیشن ءُ وزارت ءِ ھزانگ ءِ کارندہ آنی گوما یکجائی ءَ توامیں گیوار بوھوکیں جیڈھ آناں زوت گیش ءُ گیوار بکنت۔ آئی ءَ اے رد ءَ توا استیں جیڈھ آنی گیواری ءَ آسراتی آناں کارمرز کنگ ءِ پنت ءُ شون کت۔ گند ءُ نند ءَ ملک ءِ ھواریں سیاسی ءُ معاشی جاور ھال آنی ھوالگ ءَ ھیال ریچی کنگ بوت۔
