راولپنڈی۔14جون (اے پی پی):چیئرمین جوائنٹ چیفس آف سٹاف کمیٹی جنرل ندیم رضا ءَ گوں ارجنٹائن ءِ سلاھ بندیں ارد ءِ چیف آف دی جوائنٹ سٹاف ٹینینٹ جنرل جوآن مارٹن پیلو ءَ گند ءُ نند کت ایشی ءِ تہ ءَ دو نیمگی یکوئی آں ھوار سیکورٹی، اردی روگ آیگ، ھیل کاری ءُ استیں دمگی ایٹماسپیئر ءِ ھوالگ ءَ ھیال ریچی کنگ بوت۔ پاک فوج ءِ شوبگ آئی ایس پی آر ءِ رد ءَ ارجنٹائن ءِ سلاھ بندیں ارد ءَ چیف آف دی جوائنٹ سٹاف ٹینینٹ جنرل جوآن مارٹن پیلو ءَ پاکستان ءِ تر ءُ تاب ءِ ساھت ءَ جوائنٹ سٹاف ہیڈ کوارٹرز راولپنڈی ءَ چیئرمین جوائنٹ چیفس آف سٹاف کمیٹی جنرل ندیم رضا ءَ گوں گند ءُ نند ءَ کت۔ ایشی ءَ چہ پیسر جوائنٹ سٹاف ہیڈ کوارٹر ءَ پجگ ءِ پد ءَ پاک فوج ءِ ورنا آنی ٹروپ ءَ ٹینینٹ جنرل جوآن مارٹن پیلو ءَ را سلامتی پیش کت۔
