اسلام آباد۔14جون (اے پی پی): بنجاھی وزیر برائے منصوبگ بندی دیمروئی ءُ گہتری کار ءُ ھاسیں گامگیج احسن اقبال ءَ گوشت کہ وھد ءِ حکومت یل کتگ گڈا ملک ءِ ڈکال ءِ آماچ بوھگ ءِ بیم ھلاس بیت، حکومت ءِ ترندیں پیسلہ آنی مول ءُ مراد ملکی معیشت ءَ را رکھینگ انت۔ اسلام آباد ءَ میڈیا ءَ گوں تران کنان ءَ احسن اقبال ءَ گوشت کہ عمران خان ءَ آیوکیں حکومت ءَ پسارینگ ءِ واستہ پٹرول ءِ سر ءَ سبسڈی داتگ، وھد ءِ 2018 ءَ حکومت یل داتگ گڈا وام 1500 ارب کلدار بوتگ انت ءُ وام آنی ادائیگی 4 ہزار ارب کلدار بوتگ۔ آئی ءَ گوشت کہ آئی ایم ایف ءَ چہ الس دژمن منوگری تحریک انصاف ءِ حکومت ءَ کتگ۔ اے منوگری ءِ سر ءَ حفیظ شیخ ءِ دست چنگل است انت، مارا پی ٹی آئی ءِ ءُ راجی حکومت ءِ مالوم نہ انت البت ءَ پاکستان ءِ وزیر ءِ ھزانگ ءَ اے منوگری ءِ سر ءَ دست چنگل جتگ ءُ ل نوں استیں حکومت مجبور انت کہ ایشرا ءَ دیم ءَ بہ جنز ئینگ ءَ انت۔ اگاں ما اے منوگری ءِ پد ءُ رند ءَ مکن آں گڈا ملک ءِ معیشت گیش ھراب بیت۔
