اسلام آباد۔14جون (اے پی پی):سپیکر راجی اسمبلی راجہ پرویز اشرف ءَ گوں اسپیکر بلوچستان اسمبلی جان محمد جمالی ءَ گوں گند ءُ نند کت۔ سئے شمبے ءَ بوھوکیں گند ءُ نند ءَ ھواریں سیاسی اقتصادی جاور ھال ءُ وت مہ وتی واھگی کار آنی سر ءَ ھیال ریچی کنگ بوت۔ سپیکر راجی اسمبلی ءَ گوشت کہ ملک ءِ استیں جیڈھ آنی گیواری ءِ واستہ بنجاھ ءُ توامیں صوبگ آنی نیام ءَ نزیکیں رابطہ المی انت۔ آئی ءَ گوشت کہ بلوچستان ملک ءِ ارزشتی ایں صوبگ انت، پاکستان ءِ دیمروئی ءُ وشھالی بلوچستان ءِ دیمروئی ءُ وشھالی ءَ گوں بندوک انت، بلوچستان ءِ دیمروئی استیں حکومت ءِ اولی ترجی داتگیں کار آنی تہ ءَ ھوار انت۔ جان محمد جمالی ءَ راجی اسمبلی ءُ بلوچستان ءِ صوبائی اسمبلی ءِ باسک آنی نیام ءَ وت مہ وتی آنی تہءَ گیشی ءِ واستہ رابطہ ءِ ضلورت ءِ سر ءَ زور پر دات۔ آئی ءَ گوشت کہ ملک ءِ استیں جیڈھ آنی گیش ءُ گیواری ءِ واستہ راجی یکوئی ءُ ھمبراہ داری المی انت۔
