اسلام آباد۔14جون (اے پی پی): وزیر ءِ تہی کاری رانا ثنا اللہ ءَ گوشت کہ بنجاھی کابینہ ءِ منظوری ءَ چہ پد پیسریگیں حکومت ءِ بند لفافہ منوگری پچ کنگ بوتگ، مسٹر کلین ءُ صادق امین برطانیہ ءَ ریکور بوھوکیں 50 ارب کلدار راجی ھزانگ ءَ جم کنائینگ ءِ مٹ ءَ بحریہ ٹائون ءِ بقایاجات آنی تہءَ ایڈجسٹ کنائینت، ایشی ءِ مٹ ءَ بحریہ ٹائون ءِ اربانی کلدار ءِ 458 کنال زمین القادر ٹرسٹ ءُ بنی گالہ ءَ 240 کنال زمین فرح شہزادی ءِ نام ءَ ٹرانسفر کتگ، بحریہ ٹائون ءِ گوما منوگری ءِ سر ڈءَ اولی زالبول”پیسریگیں مزن وزیر عمران خان ءِ لوگی” ءِ دست چنگل است انت۔ منوگری ءِ پٹ ءُ پول ءِ واستہ کایبینہ ءِ سب کمیٹی جوڑ کنگ بوتگ۔ بنجاھی یابینہ ءَ ڈسکہ الیکشن رپوٹ ءَ را رام لیلی کسہ نامینتگ زمہ وار آنی ھلاپ ءَ کاروائی ءِ واستہ الیکشن کمیشن ءَ گوں نزیکیں کنگ ءِ پنت ءُ شون کتگ۔ آئی ءَ گوشت کہ گوستگیں وھد ءُ باریگ ءَ سیاسی بدلی ءِ واستہ بے سر ءُ پادیں کیس جوڑ کنگ بوتگ ای سی ایل ءَ نام مان کنگ بوتگ، ما رھبند آنی رد ای سی ایل ءَ نام آناں در کتگ، آمید گس ءِ حکم ءِ رد ءَ پراسیکیوٹرز مٹ نہ کنگ ءَ آں بلے مسل آں چہ سما بوھگ ءَ انت کہ شہزاد اکبر ءَ سیکرٹ فنڈز ءَ چہ اے پروسیکیوٹرز آناں کروڑانی زر داتگ۔ آ سئے شمبے ءِ روچ ءَ بنجاھی وزیر مریم اورنگزیب ، اسد محمود ، وزیر مملکت پیٹرولیم مصدق ملک ھاسیں کمکار برائے کشمیر قمر الزمان قائرہ ءِ ھمبراہی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیگ ءَ ات۔
