گلگت ۔14جون (اے پی پی):صدر مملکت ڈاکٹر عارف علوی ءَ سکردو گرلز ہائی سکول قائد آباد ءَ سرکاری سکول آنی تہ ءَ وانوکیں نودربر آنی واستہ ٹرانسپسورٹیشن وظیفہ ءِ پجاری ءِ واتہ بندات کتگیں منصوبگ آنی بنگیج کت۔ زھگ آناں چیکس بھر ءُ بانگ کنگ بیت۔ اے موہ ءِ سر ءَ صدر مملکت ڈاکٹر عارف علوی ءَ گشتانک دیان ءَ گوشت کہ حکومت گلگت بلتستان ءِ سرکاری سکول آنی وانگ ءُ زانگ ءِ واستہ نودربر آنی استیں جیڈھ آناں کم ءُ ھلاس کنگ ءِ واستہ آشوپی منصوبگ ءِ بندات کتگ۔ اے موہ ءِ سر ءَ صدر مملکت ڈاکٹر عارف علوی ءَ صوبائی حکومت ءِ پیسلہ ءِ رد ءَ گرلز سکول قائد آباد ءَ را ہائیر سیکنڈری ءِ درجبگ دیگ ءِ جار جت۔ سر وزیر گلگت بلتستان خالد خورشید ءَ اے موہ ءِ سر ءَ گشتانک دیان ءَ گوشت کہ حکومت ءَ سرکاری سکول آنی تہ ءَ وانوکیں نودربر آنی استیں سفری مشکل آنی گیواری ءِ واستہ ٹرانسپورٹیشن وظیفی ءِ منصوبگ بندات کتگ ایشی ءِ چیر دستی ءَ دو کلو میٹر ءَ چہ دور آیوکیں زھگ آناں وظیفہ ھم دیگ بیت۔
