اسلام آباد۔13جون (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ استیں احکومت ءِ نیمگ ءَ روگن ءِ نیاد آںی تہ ءَ 250 کلدار ءِ کمی کنگ ءِ جار ءَ جنان ءَ گوشت کہ سرجمیں ملک ءِ توامیں یوٹیلٹی اسٹور آنی تہ ءَ 300 کلدار یک کلو روگن دستیاب بیت، سستائیں آرت اسکیم ءِ چیر دستی ءَ سرجمیں ملک ءَ یوٹیلٹی اسٹور آنی تہ ءَ 10 کلو آرت ءِ تھیلا 400 کلدار ءَ پجاری کنگ بوھگ ءَ انت، 2018 ءَ آرت ءِ قیمت 35 کلدار یک کلو ءِ بوتگ ایش گوستیں چار سال ءِ ساھت ءَ 90 کلداسر ءَ چہ 100 کلداسر یک کلو ءِ ءُ روگن 550 ءَ بگر تاں 600 کلدار یک کلو ءِ روگن بھا بوھگ ءَ انت، گوستگیں حکومت ءَ چار سال ءَ مافیا ءُ کار ٹلز آنی جیب آناں پر کتگ۔ الس آناں گران بھائی ءِ چکی ءَ درشتگ بوتگ۔ ھمے سبب ءَ استیں حکومت الس ءَ گران بھائی ءِ آسر آں چہ رکھینگ ءِ واستہ سبسڈی ءُ ریلیف دیگ ءِ گامگیج کنگ ءَ انت۔ دو شمبے ءَ ادا پریس کانفرنس ءَ گوں گشتانک دیان ءَ بنجاھی وزیر ءَ سستائیں آرت ءُ روگن ءِ بابت ءَ تران کنگ ءَ ات۔
