اسلام آباد۔13جون (اے پی پی):پاک فضائیہ ءِ سروک ائیر چیف مارشل ظہیر احمد بابر سدھو ءَ گوں ترکی ءِ سفیر احسان مصطفیٰ یرداکل ءَ گوں گند ءُ نند کت، دوئیں شرپ مندیں مہمان آنی وت مہ وتی کزبی ءُ وت مہ وتی واھگی کار آنی ھوالگ ءَ ھیال ریچی کت۔ ترجمان پاک فضائیہ ءِ رد ءَ ترک سفیر ءَ پاک فضائیہ ءِ کزبی ھیال کار ی آناں ساڑات ءُ پاک فضائیہ ءِ جوانیں دیمروئی ءِ توسیپ کت۔ ائیر چیف ءَ گوشت کہ پاکستان ءُ ترکی ءِ نیام ءَ کوھنیں نیک راھی، دود ءُ ربیدگی ءُ تاریخی سیادی است انت، ایش دوئیں بالی ارد آنی نیام ءَ مھکمیں رابطہ ءِ درشان انت۔ ائیر چیف ءَ گوشت کہ دوئیں ملک آنی نیام ءَ جوانیں یکوئی برجا انت۔
