سینیٹر ڈاکٹر سکندر میندھرو یک جوانیں مردمے بوتگ، چیئرمین سینیٹ صادق سنجرانی 

اسلام آباد۔13جون  (اے پی پی):چیئرمین سینیٹ محمد صادق سنجرانی   ءَ گوشت کہ سنیٹر ڈاکٹر سکندر میندھرو  یک جوانیں مردمے بوتگ۔   شہید ذوالفقار علی بھٹو ءِ نزیکیں  دوست آنی تہ ءَ  آئی ءِ شمار  بیت۔  دو شمبے ءَ ایوان ءِ بالا ءِ دیوان ءَ سینیٹر ڈاکٹر سکندر میندھرو ءِ بیرانی ءِ پد ءَ  ھیال آنی درشانی ءَ کنان ءَ کت۔  آئی ءَ گوشت کہ  آ باز وھد ءَ چہ  نادُراھ بوتگ،   آئی  ءِ   کراچی ءُ پدا  مریکہ ءَ  علاج  چلگ ءَ بوتگ۔    آ یک جوانیں مردمے بوتگ۔   پیپلز پارٹی ءِ گوما آئی ءِ کوھنیں  سیادی  ءُ  دوستی  یے بوتگ۔  آئی ءَ گوشت کہ  آ پیسریگیں  مزن وزیر ذولفقار علی بھٹو ءِ نزیکیں دوست  ءُ ھمبل بوتگ۔   چیئرمین سینٹ ءَ  گوشت کہ گمیگیں ھاندان ءِ  گوما  رابطہ ءِ تہ ءَ آں،  نماز جنازہ   ءَ بھر زوری کناں۔ ھرچ باسک ءِ آئی ءِ جنازہ ءَ بھر زوری کنگ لوٹ  ائیت ، ایشی ءِ واستہ بندوبست کنگ بیت۔