کوہستان ءِ ھاترءَ یک ارب کلدار ءِ دیمروئی گرانٹ  ہمیں بجٹ ءَ ایر کنگ بیت، کوہستان ءِ ہرچ تحصیل ءَ ٹیکنیکل کالج جوڑ کنگ بیت، آپی آسراتی ءِ بنجاہی وزیر سید خورشید شاہ 

اسلام آباد۔13جون  (اے پی پی): آپی آسراتی ءِ بنجاہی وزیر سید خورشید شاہ ءَ گشتگ کہ کوہستان ءِ ھاترءَ یک ارب کلدار ءِ دیمروئی گرانٹ ہمیں بجٹ ءَ ایر کنگ  بیت، کوہستان ءِ ہمک تحصیل ءَ ٹیکنیکل کالج،  بی آئی ایس پیءُ نادرا ءِ کارگس جوڑ کنگ بنت، کوہستان ءَ ڈیم آماچیں مردمانی ھاترءَ جان ء ُ سلامتی ءِ بنکی بُنجاہ  گہتر کنگ بنت ۔ اے ھیالانی درشانی آئی ءَ دوشمبے ءِ روچءَ داسو ڈیم آماچیں  مردمانی مراگش ءَ گوں تران کنان ءَ کتگ۔ مراگش ءَ فیصل کریم کنڈی، چیئرمین واپڈا، کوہستان  ءِ مردم مزنیں کساسے ءَ ہوار بوتگ اَنت ۔  آپی آسراتی  ءِ بنجاہی وزیر ءَ ڈیم منصوبہ ءِ تہا ہندی مردمانی ملازمت ءِ کوٹہ سد درسد  کنگ ءِ جار جتگ ء ُ اِدءَ منی دیم ءَ داسو ڈیم منصوبہ ءِتہا ففٹی پرسینٹ لوکل جابز ءِ سرءَعمل کنگءِ لوٹ کنگ بوتگ۔  خورشید شاہ   ءَ کوہستان ءَ دیمروئی کارانی ھاترءَ یک ارب ءِ گرانٹ ایر کنگ  ءِ سوگند کتگء ُ گشتگ کہ  کوہانی تہا نندوکیں مردمانی زندمان باز گران اِنت، اِد ءَ دیمروئی منصوبہ آنی سک باز ضلورت اِنت۔ کوہستان ءِ ھاترءَ یک ارب کلدار ءِ دیمروئی گرانٹ ہمے بجٹ ءِتہا ایر کنگ بیت۔ کوہستان ءِ ہمک تحصیل ءَ ٹیکنیکل کالج جوڑ کنگ بیت۔ کوہستان ءِ  مردماں جیڑہ ء ُ جنجالاناں ہلاس کنگءِھاترءَ گامگیج چست کنگءَ آپی آسراتی ءِ بنجاہی وزیر خورشیدک شاہ ءِ شکرء ُ منت گپتگ۔