اسلام آباد۔13جون (اے پی پی): منشیات ءِ گرء ُداری ءِ بنجاہی وزیر نوابزادہ شاہ زین بگٹی ءَ گشتگ کہ منشیات ءِ شپوکی ءَ را ہرچ وڑءَ دارگ بوہگ ءَ اِنت۔ اے ھیالانی درشانی آئی ءَ دوشمبے ءِ روچءَ را برطانیہ ءِ نیشنل کرائم ایجنسی ءِ ڈل ءَ گو ں گندء ُ نندءِ وہدءَ کتگ۔ ڈل ءِ سروکی ڈی جی او سٹیفن روڈ ہائوس کنگ بوتگ، بنجاہی وزیر ءَ را نیشنل …
منشیات ءِ شپوکی ء َ را ہر وڑءَ دارگ بوہگءَ اِنت، نوابزادہ شاہ زین بگٹی ءَ گوں برطانوی ڈل ءِ گندء ُ نند
گیشتریں ھال
اسلام آباد۔13جون (اے پی پی): منشیات ءِ گرء ُداری ءِ بنجاہی وزیر نوابزادہ شاہ زین بگٹی ءَ گشتگ کہ منشیات ءِ شپوکی ءَ را ہرچ وڑءَ دارگ بوہگ ءَ اِنت۔ اے ھیالانی درشانی آئی ءَ دوشمبے ءِ روچءَ را برطانیہ ءِ نیشنل کرائم ایجنسی ءِ ڈل ءَ گو ں گندء ُ نندءِ وہدءَ کتگ۔ ڈل ءِ سروکی ڈی جی او سٹیفن روڈ ہائوس کنگ بوتگ، بنجاہی وزیر ءَ را نیشنل کرائم ایجنسی ءِ سرجمیں دنیاءَ آپریشن ءِ ہوالگءَ سرپد کنگ بوتگ۔ بنجاہی وزیر ءَ منشیات ءِ شپوکی ء ُ آئی ءِ کارمرزی ءِ گرء ُدار کنگءَ برطانیوی ایجنسی ءِ کمک ءِ شکر ءُمنت گپتگ۔ بنجاہی وزیر ءَ گشتگ کہ اے این ایف ء ُ ہمگرنچیں میاں اوستمانی ادارگانی نیامءَ یکے دومی ءَ را معلومداری سرکنگ ءِ سرءَ تپاک کنگ بوتگ۔ بنجاہی وزیر ءَ گشتگ کہ بلوچستان ءِ تیاب دپیں دمگ ء ُ گوادر ءَ سپیشل انویسٹیگیشن سیل جوڑ کنگ بنت کہ آئی ءَ چہ منشیات ءَ را گرء ُدار کنگ ءَ کمک رسیت ء ُ منشیات ءِ ہوالگءَ تفتیشی عمل ءَ را گوں ساپ سلہی ءَ کنگءَ کمک رسیت۔
