بجٹ ءَ  سیر لاپیں  مردم  آنی سر ءَ ٹیکس  ءِ   کمو بار، کم کٹ کنوکیں مردم آناں ریلیف  پجاری   کنگ ءِ  واستہ گامگیج   کنگ بوتگ،  وزیر ءِ ھزانگ مفتاح اسماعیل ءِ بنجاھی  وزیر  ءِ ھمبراہی ءَ پوسٹ بجٹ  پریس کانفرنس

اسلام آباد۔11جون  (اے پی پی): بنجاھی وزیر ھزانگ    ءُ ایندگر  کٹ ءُ وام آنی در جنوک  مفتاح اسماعیل ءَ گوشت کہ  میاں اوستمانی  ءُ ملکی جاور آنی رد ءَ  سکیں جاور  آنی تہ ءَ نوکیں مالی سال ءِ واتہ  جوانیں  بجٹ ءِ پیش کنگ بوتگ۔  ایشی ءِ تہ ءَ لس مردم  ءَ را ریلیف  دیگ ءِ  ھوالگ ءَ  دلگوشی کنگ بوتگ، اولی  سیم سر مالیاتی برجائی ءُ دومی گریبیں الس آناں ریلیف پجاری کنگ انت۔  پاکستان  شرپ مندیں ملک ات ءُ مارا وتی معیشت ءَ را  گر ءُ داسر کنگی اِنت،  اے رنگیں سیاست ءِ اچ پائیدگ نیست  ھمائی  کہ ملک ءَ را تاوان بہ رس ائیت، ما ملکی سیت ءَ  سکیں پیسلہ  کنگ ءَ آں ءُ کناں، یک لکھ ءَ بگر تاں دو لکھ  کلدار ھمک  مال کٹ کنوکیں شہری آنی سر ءَ ٹیکس  ءِ کساس ءَ را  کم ایر  کتگ۔  گیش کٹ کنوکیں  گروپ آنی واستہ ٹیکس ءِ  کساس ءَ را گیش کنگ بوتگ،  25 لکھ  ءِ نزیک ءَ  دکاندار آناں  ٹیکس نیٹ ءِ سر ءَ  آرگ  ءِ پیسلہ کتگ ءُ  ایشی ءِ واستہ فکسڈ ٹیکس ءِ کساس گیشینگ   بوتگ، یوٹیلیٹی سٹور آنی سر ءَ سرجمیں سال  آرت ، روگن ءُ  شکر   ءِ  قیمت  کنسیشن قیمت آنی  سر  ءَ  دستیاب بیت۔   پراپرٹیز ءُ  گیر پیداواری  ماڑیی آناں ٹیکس ءِ نیٹ ءَ  آرگ بوتگ۔  دگنیا  اے وھد ءَ  سپر سائیکل ءَ چہ گوزگ ءَ انت، ما میاں اوستمانی جاور ھال آناں مٹ کت  نہ کناں بلے  ما کوشست کت کناں  ۔ پی ایس ڈی پی  ءَ را   گیش ودینگ ءِ بنیاتی مول ءُ مراد ھم  ھمیش انت کہ روزگار ءِ گیشاں چہ گیش  موہ پجاری بہ بیت۔   یک جستے ءِ پسو ءَ  آئی ءَ گوشت کہ  پٹرولیم   کمیگ  ءُ درآمد  ءَ را کم کنگ ءِ کوشست کنگ بوتگ  وھدیکہ پٹرول ءِ قیمت   ءَ کم کنگ بوتگ  اے وھد ءَ  لوٹ  گیش بوتگ۔  پٹرول ءُ ڈیزل ءِ قیمت آنی  گیش بوھگ ءِ پد ءَ ایشی ءِ لوٹ  ءِ تہ ءَ  کمکیگ  کئیت۔