اسلام آباد۔ 10 جون (اے پی پی) حکومت بروک آ مالی سال 2022-23نا بجٹ اٹی سرکاری بشخ انا شونداری پروگرام (پی ایس ڈی پی) نا رداٹ کانود و انصاف ڈویژن نا 9 برجا و 2 پوسکن آ اسکیم تیکن جم وڑاٹ 1813.892ملین روپئی جتا کننگ نا سلاہ تسنے۔ جمعہ نادے آ پی ایس ڈی پی نا جاری حساب وکتاب نا رداٹ حکومت بنجائی بجٹ اٹی سرکاری بشخ انا شونداری پروگرام نا رداٹ نہہ برجا ڈٹ آتیکن 1722.992ملین روپئی جتا کننگ نا سلاہ تسنے ہرافتے ٹی وزارت کانود و انصاف نا کانود سازی و ریکارڈ ءِ آرکائیو کننگ و ڈیجیٹلائزیشن ، بنجائی عدالت ٹربیونل آتا آٹومیشن (فیزٹو)، اسلام آباد ہائی کورٹ جی فائیو ون شاہراہ دستور نا ماڑی ٹی لیگل آسراتی ہند انا تفنگ، بنجائی شرعی عدالت پشاور نا کیمپ آفس نا تفنگ نا نظرثانی مروک ڈٹ ، لاہور اٹی بنجائی عدالت و ٹربیونل کمپلیکس نا تفنگ، کراچی ٹی سپریم کورٹ برانچ رجسٹری کن پوسکن آ ماڑی نا تفنگ، نیشنل جوڈیشل آٹومیشن یونٹ نا ودکی و سوگوی نا بابت فیزیبلٹی سٹڈی پی سی ٹو، وزارت کانود و انصاف اٹی ڈٹ بندی و مانیٹرنگ یونٹ نا سوگوی نا نظرثانی مروک ڈٹ اوار ءُ۔ دا اسکیم تیکن خڑچ انا کساس ءِ 1841.907ملین روپئی خلنگانے۔ پی ایس ڈی پی ٹی ہرا اِرا پوسکن آ اسکیم تے اوار کننگانے اوفتے کن 90.900 ملین روپئی جتا کننگانے۔ دا اسکیم تیٹی سپریم کورٹ آف پاکستان نا پی سی ٹو اتون گنڈوک اٹارنی جنرل آف پاکستان ، ایڈووکیٹ/پراسیکیوٹر جنرل و ایلو تعلقدار آفیسر آتا دفتر آتا تفنگ کن کساس خڑچ انا بریبر16.900 ملین روپئی تخنگانے۔ ارٹ میکو ڈٹ وزارت کانود وانصاف و بنجائی وزارت /ڈویژن آتا کانودی ونگ آتا کاریم نا کچ اٹی ودکی و سوگوی کن 74 ملین روپئی تخنگانے۔
