اسلام آباد۔ 10 جون (اے پی پی) صدر مملکت ڈاکٹر عارف علوی پارینے کہ پاکستان جمہوریہ پولینڈ اتون تینا تعلقداری تے بھاز قدر انا نظر اٹ ہرک، پاکستان پولینڈ تون واپار، زرگزران و السی رابطہ غاتا بشخ آتیٹی ہڑتوم آ کنڈآتا تعلقداری تے پین ودفنگ نا خواہندار ءِ ، داخیال آتا درشانی ءِ او جمعہ نادے آ پولینڈ اٹی پاکستان نا پندار سفیر ڈاکٹر خالد حسین میمن تون اوڑدہی ٹی گپ وتران کرسا کرے۔ اوپارے کہ اسیجائی بزنس فورم نا جوڑ کننگ، توانائی نا بشخ اٹی پولینڈ نا کمپنی تتون کمکاری ءِ پین سوگو کننگ مریک، پندار سفیر پاکستان نا جی ایس پی پلس اسٹیٹس نا پوسکنی کن پولینڈ نا پدریسہ مخ تفی دوئی کننگ کن کاریم کے، اوپارے کہ پاکستان اٹ سیل و سواتی تا بننگ ءِ ودفنگ کن پندار سفیر سیل و سوات نا بشخ اٹی ساڑی وارخواہی تے تالان کے، پندار سفیر پاکستان وپولینڈ نا جامعہ غاتا نیام اٹ ادارہ جاتی رابطہ غاتا جوڑ کننگ کن کاریم کے، صدر مملکت پارے کہ تعلیم نا بشخ اٹی ہڑتوم آکنڈآتا تعلقداری تے پین سوگو کننگ آن پاکستانی جامعہ غاتا تعلیمی و پٹ وپولی آب ءِ گچین کننگ اٹ کمک رسینگک، پندار سفیر پولینڈ اٹی پاکستانی افرادی قوت نا کچ ءِ ودفنگ آ ہم کاریم کے، صدر مملکت پندار سفیر ءِ پولینڈ اٹ پاکستان نا سفیر نا وڑاٹ تقرری آ مبارکباد ہم پیش کرے۔
