اسلام آباد۔ 10 جون (اے پی پی) صدر مملکت ڈاکٹر عارف علوی اسٹیٹ لائف انشورنس کارپوریشن آف پاکستان ءِ سٹی ڈسٹرکٹ گورنمنٹ ملتان نا فائر مین نا جنوزان ءِ منافع اتون گروپ انشورنس کلیم ادا کننگ نا پارت کرینے۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت پارے کہ ملازم نا جون 2016ٹی کزیت مس، جنوزان ءِ انشورنس نا انتظار اٹی شش سال ہنا، زر ملیتو، تکلیف و اذیت آن بیدس وخت اتون روپئی نا قدر ہم کم مریک ۔ صدر مملکت بنجائی محتسب نا فیصلہ ءِ برقرار تخسا پرمان کرے کہ اسٹیٹ لائف انشورنس کارپوریشن آف پاکستان جنوزان ءِ منافع اتون انشورنس نا زر ءِ ادا کے، صدر مملکت بنجائی محتسب نا فیصلہ نا برخلاف اسٹیٹ لائف انشورنس کارپوریشن نا اپیل ءِ مسترد کرے۔ صدر مملکت پارے کہ 12 مارچ 2008 آ لوکل گورنمنٹ و اسٹیٹ لائف نا نیام اٹ گروپ انشورنس معاہدہ مسوسس، پنجاب حکومت نا 60 سال آن کم وئی ہر ملازم پریمیم نا ادائیگی تون مشروط بیمہ مروک ءِ، متوفی فائرمین سروس اٹی تینا بنداوی پے سکیل نا رداٹ ماہانہ پریمیم ہم ادا کرے، جنوزان نا دعویٰ نا حق اٹی غٹ درکار دستاویز آت ہم ساڑی ءِ وخت اس کہ بنجائی محتسب نا فیصلہ نا برخلاف فیصلہ کن ہچ ءُ پبی سوب اس ساڑی اف۔ غاو تروک ءِ گروپ انشورنس معاہدہ نا رداٹ انشورنس کلیم ادا کننگ انشورنس کمپنی نا زمواری ءِ۔
