اسلام آباد۔ 10 جون (اے پی پی) بنجائی وزیر حوالکاری وشینکاری مریم اورنگزیب پارے کہ اے آر وائے ہرا معاہدہ غا دستخط کرے او بولی والا کنٹریکٹ آن جتائسک، اصل بولی نا نتیجہ ٹی اے آر وائی ارٹ میکو نمبر آ ئس، داسیدھا ءُ فراڈ اس ئسک۔ جمعہ نادے آ پی ٹی آئی نا راہشون فواد چوہدری نا ٹویٹ آردعمل نا درشانی ءِ کرسا بنجائی وزیر حوالکاری پارے کہ اصل پبولی ٹی اے ۔ آر ۔وائے ارٹ میکو نمبر آ بس، پی ٹی وی غیرکانودی وڑاٹ اے ۔آر۔وائے تون سودا کرے، ارٹ میکو نمبر آ بننگ آ بولی ٹی گچینی اتنگ نا خواست کننگا، بے سہبی آ اے ۔آر۔وائے ءِ ٹھیکہ تننگ نا خاطر آب ءِ ہی بدل کننگا۔ اوپارے کہ اے۔آر۔وائے ہرامعاہدہ غا دستخط کرے، او بولی والا کنٹریکٹ آن جتا ئسک، دا سیدھا ءُ فراڈ اس ئسک، نم داسی آن انت کن خلینگ اورے؟۔
