اسلام آباد۔9جون (اے پی پی):وزارت اھوالکاری ءُ شنگ کاری ءِ نیمگ ءَ نیشنل امیچور شارٹ فلم فیسٹیول (NASFF-21) ءِ سکالرشپس در جنوکیں کامیاتیں ورنا آنی شرپ ءَ مراگش ءِ بست ءُ بند کنگ بوت۔ مراگش ءِ مول ءُ مراد نیشنل امیچور شارٹ فلم فیسٹیول ءِ سکالر شپس باج بروکیں ورنا آناں میاں اوستمانی نامداریں فلم انستی ٹیوٹ نیویارک فلم اکیڈمی، آسٹریلیا ءَ زانت ءُ زانش در جنگ ءِ واستہ روانگی ءَ چہ پیسر کامیاتی ءَ گوں برجم دارگی بوتگ۔ بنجاھی سیکرٹری اھوالکاری ءُ شنگ کاری شاہیرہ شاہد، ڈائریکٹر جنرل ڈائریکٹوریٹ آف الیکترانک میڈیا اینڈ پبلیکیشنز (ڈی ای ایم پی) عمرانہ وزیر، ایڈیشنل سیکرٹری مبشر توقیر، ڈائریکٹر (ڈی ای ایم پی) آصف الرحمان، آئی ایس پی آر ءِ اپسرگ بریگیڈیئر عمران نقوی ءُ میجر احمد بٹ ءَ ھم مراگش ءَ بھر زوری کت۔ اے موہ ء، سر ءَ نیشنل امیچور شار ٹ فلم فیسٹیول سکالرشپس در جنوک حمزہ بن افتخار، عقیدہ چشتی، روح اللہ کشفی، شاہ زیب علی، ثقلین عباس، حذیفہ احمد، مریم نقوی، وشال کدوانی، عرفان نور بخش ءُ حارث لطیف ساڑی اتنت۔
