تجارت ءُ معیشت ءِ شوبگ ءَ کمک  ءِ نوکیں کشت پٹ ءُ پول کنگ ءِ ضلورت انت،  مزن وزیر شہباز شریف  ءِ  ایرانی سفیر ءَ گوں گند ءُ نند ءَ تران

اسلام آباد۔9جون  (اے پی پی): مزن ویزر شہباز شریف ءَ گوشت کہ پاکستان ءُ ایران ءِ نیام ءَ تجارت  ءُ معیشت ءِ شوبگ ءَ کمک  ءِ نوکیں کشت پٹ ءُ پول کنگ ءِ ضلورت انت، پولان گوادر منصوبگ ءِ وسیلگ ءَ ایران ءَ چہ  گیش 100 میگاواٹ توان پجاری بیت، میاں اوستمانی برات آنی یک شل ءَ کمک ءَ  چہ کشمیری الس یونائیٹڈ نیشن ءِ سلامتی کونسل ءِ منوگری ءُ وتی  واھگ آنی رد ءَ  وت واجئی  ء ھک ءَ در جن اَنت۔ اوگان الس آنی فریزیں مڈی آں تاں پجاری  بہ بیت۔  مزن وزیر کارگس ءِ میڈیا ونگ ءِ نیمگ ءَ  جاڑی بوتگیں بیان ءِ رد ءَ اے ھیالانی درشانی آئی ءَ   پاکستان  ءَ ایران ءِ سفیر سید علی محمد حسینی ءَ گوں تران کنان ءَ کت  آئی ءَ پنچ شمبے ءِ روچ ءَ ادا آئی ءَ گوں گند ءُ نند کت۔  مزن وزیر  ءَ بلوچستان ءِ جنگل ءَ روکیں آس ءِ گر ءُ دار ءِ واستہ ایران ءِ  وھد ءُ موہ ءِ سر ءَ کمک کنگ ءِ پد ءَ ایران ءِ شگر ءُ منت واری گپت ءُ گوشتکہ اے مئے دوئیں ملک  ءُ الس آنی نیام ءَ  استیں مھکمیں  براتی  ءُ یکوئی آنی درور اَنت۔  مزن وزیر ءَ ایران  سروک آنی واستہ نیکیں واھشت  آنی درشان کت ءُ یکجائی جغرافیہ ئی، یکجائی مڈی ءُ الس  آں  گوں الس  رابطہ  ءِ رد ءَ  انت  دوئیں ملک آنی نیام ءَ نزیکیں  براتی   ءُ یکوئی  آناں سہرا  کت۔  آئی  ءَ اے گپ ءِ سر ءَ زور پر دات کہ مئے تاریخی یکوئی آنی رد ءَ اے سال سفارتی یکوئی آنی  برجائی ءِ 75 سالروچ  دوئیں ملک  جوانیں رنگ ءَ  برجم بہ دار انت۔