بی جے پی سروک آنی بیان آناں مذمت گرگ ءِ واتہ ایوان ءَ  اے بنگپ ایر کنگ بہ بیت ءُ مذمتی   تپاک نامہ منظور کنگ بہ بیت، مزن وزیر  شہباز شریف  ءِ پارلیمنٹ ءِ یکجائی  دیوان ءَ    ھیال آنی درشانی  

اسلام آباد۔9جون  (اے پی پی):وزیراعظم شہباز شریف  ءَ گوشت کہ بی جے پی سروک آنی بیان آناں مذمت   گرگ ءِ واستہ  ایوان ءَ باست ءُ واست  کنائینگ بہ بیت ءُ مذمت  تپاک نامہ منظور کنائینگ بہ بیت، کروڑانی مسلمان  "ناموس رسالت ﷺ” ءِ  ھاترا  بزاں پاکیں  رسول کریم ﷺ ءِ نام  ءِ  ھاترا وتی جان آناں  قربان کت کناں۔  پنچ شمبے ءِ روچ ءَ  پارلیمنٹ  ءِ یکجائی  دیوان ءَ  ھیال آنی درشانی ءَ   کنان ءَ مزن وزیر ءَ گوشت کہ بھارت ءَ بی جے پی  سروک آں    بے ادبی کتگ  ءُ  وتی بیان  ءَ  پاکیں حبیب محمد مصطفیٰ ﷺ ءِ  شان ءَ  گستاخی کتگ۔ اے جیڈھ  ءَ را انچو سبک ءُ آسان زورگ مہ بیت۔  آئی ءَ گوشت کہ  ایوان ءَ  دو شمبے ءَ اے جیڈھ  ءِ سر ءَ باست ءُ واست  ءِ  ھاترا  یک کلاک ءِ  گیشینگ بہ بیت وھدیکہ  سرجمیں  ایوان   اے گستاخی  بیان ءِ  ھلاپ ءَ  یکجائی تپاک نامہ منظور  کنگ بہ بیت۔ مزن وزیر ءَ گوشت کہ   سرجمیں دگنیا ءِ کروڑانی مسلمان  پاکیں نبی کریم ﷺ ءِ  شرپ ءَ ازت ءَ  وتی جان مال ءَ ھوار ھمک چیز ءَ را قربان کت کناں۔